بعد انتشار موضوع منح آيسلندا 5000 دولار شهريا للمهاجرين للزواج من آيسلندية لزيادة النسل في آيسلندا ، مما دفع البعض الي دفع اموال للهجرة الي آيسلندا املا في الزواج والمرتب الشهري ، الا ان الرحالة أحمد حجاجوفيتش اوضح حقيقة منح آيسلندا 5000 دولار شهرياً لكل مهاجر يتزوج من بنات آيسلندا.
حقيقة منح آيسلندا 5000 دولار شهريا للهجرة والزواج من ايسلنديةروبا
اصل موضوع منح آيسلندا 5000 دولار شهريا للمهاجر والزواج من بنات آيسلندا
انتشرت الايام الماضية خاصة مع مباريات كأس امم اوروبا يورو 2016 وزيادة الاخبار عن آيسلندا ، خبر جاء فيه آيسلندا تمنح المهاجرين 5000 دولار شهريا للزواج من بنات آيسلندا لزيادة النسل خاصة وان دولة آيسلندا Iceland في شمال اوروبا لا يزيد تعدادها عن 323 الف مواطن ايسلندي بجانب زيادة عدد مواليد البنات عن الاولاد هناك.
حقيقة منح المهاجرين 500 الف دولار شهريا للزواج من ايسلندية
وبعد البحث اعلن أحمد حجاجوفيتش الرحالة المصري علي الفيس بوك قائلا “كتير من المصريين من امبارح بينشروا علي الفيسبوك موضوع “بسبب نقص الرجال .. آيسلندا تمنح 5000 دولار شهرياً لكل مهاجر يتزوج من بنات آيسلندا لزياده النسل” وجالنا كتير من الرسائل علي الصفحة بتسألنا عن الموضوع ده”.
وتابع: “حجاجوفيتش كلم مسئولين في حكومة آيسلندا عن الموضوع ده عشان يعرف حقيقته والكلام اللي جاي ده مهم جداً لكل الناس المهتمة بالموضوع وقد يكون صادم للبعض بس احنا بنقولهالكوا عشان متتجروش ورا آمال زائفة”.
انتشار شركات الزواج من اجنبيات لسرقة اموال شباب مصر والعرب
وانتشرت الفترة الاخيرة شركات نصابة تدعي انها تستطيع تزويج المصريين و العرب من الفتيات الروسيات او الزواج من بنات آيسلندا واوربا ، بكل سهولة وباقل تكلفة مادية وبدون مقدم ولا شبكة ولا مصاريف زواج التي يعاني منها الشباب في مصر ، الا ان الموضوع كما تم توضيحه اكثر من مرة ، ان هذه الشركات شركات نصب وغالبا ما تنتهي علي شواطئ البحر المتوسط في مركب يحمل مئات المهاجرين الذين قد يلقو حدفهم لا قدر الله بسبب حلم السفر والزواج في اوروبا.
حيث اوضح حجاجوفيتش قائلا “الكلام ده اتضح من كلام المسئولين إنه بيحصل في كل مناسبة زي موضوع روسيا من فترة لما قالوا “اتجوز روسية وخد الجنسية و15 ألف دولار أمريكي هدية من الحكومة الروسية”، ودلوقتي الزواج في آيسلندا بعد ظهور جمال مشجعاتهم في ماتشات يورو 2016 في فرنسا ، فشركات النصب ديه بتستغل الكلام ده مش بس في مصر ولكن في العديد من الدول التانية كمان بأنها بتعمل مواقع علي الانترنت “متخصصة في تسهيل الزواج من بنات آيسلندا وحاطين الخبر بتاع المكافأة”.
التحذير من عمليات النصب علي الشباب المصري
واكمل حجاجوفيتش محذرا الشباب المصري خاصة اللي بيقعوا ضحايا لعملية النصب دي، بإنهم بيدخلوا على المواقع ديه ويسجلوا بيانتهم وبيخلوك تتكلم مع بنت (اكنها اللي حتتجوزها) وبتقولك عشان تبعتلك دعوة رسمية للزواج عشان تروح السفارة وتقدر تاخد فيزا وتسافرلها وتتجوزها وتاخد المكافأه الشهرية، لازم تدفع مبلغ مالي بسيط بكارت بنكي”.
وأوضح: “المشكلة مش في كده، المصيبة في إنك أول ما بتحط بيانات كارتك البنكي وتكتب رقمه وتاريخ انتهائه والرقم السري اللي على ظهر الكارت وتبعتهلها، بيتم سرقة الفلوس اللي في حسابك و لو كارتك Credit card يعني البنك بيدفعلك وبعدين انت بتسدد للبنك بعد ٥٥ يوم، بيتم سحب كل المبلغ المتاح لك سحبه” ، واختتم: “اللي خلانا نكتب البوست ده ونحذر الناس كلها عن الفخ ده إن فعلاً المواقع ديه بتحقق ملايين الجنيهات من جيوب الناس وبعض الصفحات بتحب الزيطة فبتنزل الخبر وبتساعدهم على عملية النصب ديه، فرجاء من الناس كلها متدخلش حسابتها البنكية إلا في المواقع